عاجل عاجل وهام جدا بخصوص منع اختراق المايكروتيك

اخوان اصحاب مكاتب توزيع خطوط الانترنت الي تعانون من مشاكل الاختراق من قبل الي يسمون نفسهم هكر وهمه حرامية وبالتاكيد ميخافون الله .... بعد تجارب وتجارب قمت بيها بتجربة كل شي تقريبا من نصائح الاخوه في هذا المنتدى الاكثر من رائع وفي غيره من المنتديات ..... وجربت العديد من الاكسس بوينتات شفت انه اذا استعملتم اكسس بوينت سيناو 200 ملي واط وفعلتو خاصية ال Isolation اي هكر يسوي سكان على الماكات مراح يطلعله شي غير بس الماك مالته والايبي ماله ليش لاننه هذي الخاصية تخلي الاكسس بوينت يتعامل وي كل يوزر وكانه الوحيد الي مكنك عليه واني شخصيا جربت هذا الشي اكثر من 10 مرات والنتيجه الي طلعت بيها هي بس اكدر اطلع الماك والايبي مالي وبقية الماكت الي مكنكة ع الشبكه نهائيا مطلعت عندي واستعملت برنامج Packet Analyzer 6.3 Professional والي يعتبر من البرامج الحديثه جدا جدا من ناحية فحص الماكت صدكوني هذي انسب طريقة اني شفتها وجربتها واستعملتها بعد طول فحص وتجريب عشرات الطرق الي كلها منفعت مراح اكوللكم انه هذي الطريقة راح تقضي على التجطيل على شبكتكم بس راح اتقلل نسب الاختراق الى 80% ..... هذي تجربتي اني شخصيا والي عنده راي ثاني لايبخل بيه علينه والكم مني كل التقدير والشكر والاحترام